1.Ընդհանուր դրույթներ

Սույն պահանջները պարտադիր են կիրառման համար գովազդի տեղադրման ժամանակ։
Արտադրության, տեղադրման և տարածման գովազդի պահանջները, անկախ նրա տեղադրման վայրից, սահմանվում են Հայաստանի Հանրապետության 1996 թվականի մայիսի 25-ի թիվ ՀՕ-55 «Գովազդի մասին» օրենքով (այսուհետ՝ «Գովազդի մասին» օրենք):
Գովազդը պետք է համապատասխանի «Գովազդի մասին» օրենքի հոդված 5-ի պահանջներին:
Գովազդի լեզուն գրական հայերենն է: Գովազդի ներկայացումը կարող է կրկնվել երկու և ավելի օտար լեզուներով, որոնց ընդհանուր ծավալը չպետք է գերազանցի հայերենով ներկայացման ծավալը (մակերեսը) և պարունակել տեղեկատվություն, որը չի ներառվում հայերենով ներկայացման մեջ:
Հայերենով գովազդի ներկայացումը պետք է լինի օտար լեզվով տեքստից առաջ, գրառմամբ վերևից ներքև կամ աջից ձախ: Օտար լեզվով գովազդի ներկայացումը իր պատկերներով, գունային կամ լուսային լուծումներով չպետք է գերազանցի հայերենով ներկայացումը: Միայն օտար լեզվով գովազդը չի թույլատրվում:
«Գովազդի մասին» օրենքի հոդված 5-ի համաձայն, 2GIS արտադրանքներում թույլ չի տրվում՝
1) Անօրինական գովազդ, որը կատարվում է օգտագործելով՝
ա) քաղաքացիների վստահությունը, փորձի կամ գիտելիքների պակասը;
բ) գովազդվող ապրանքները չօգտագործող սպառողների վարկաբեկումը;
գ) նախապաշարումներ և սնահավատություն;
դ) արտահայտություններ, որոնք վարկաբեկում են մրցակցին կամ մրցակիցների խումբը, ինչպես նաև արտադրվող և վաճառվող ապրանքների հատկությունները կամ անկանոն համեմատություններ այլ իրավաբանական և ֆիզիկական անձանց և ապրանքների հետ;
ե) տեղեկատվություն, որը չի համապատասխանում ապրանքի պահանջարկի իրական չափին;
զ) կոչեր, որոնք խթանում են քաղաքացիներին բռնությանը, ագրեսիային, պանիկային, ինչպես նաև խախտում են բարոյականության ընդունված նորմերը;
 է) կոչեր և հիմնավորումներ, որոնք ուղղված են շրջակա միջավայրի դեմ;
ը) կոչեր և հիմնավորումներ, որոնք խթանում են գործողություններին, որոնք սպառնում են սպառողի կյանքին, առողջությանը կամ անվտանգությանը;
 թ) նախագծեր, տեքստեր, գովազդային բանաձևեր, պատկերներ, երաժշտական և ձայնային էֆեկտներ և այլ միջոցներ, որոնք խաբեության մեջ են գցում սպառողներին։
2) Անվստահելի գովազդ
3) Անվայել գովազդ
4) Ընդունված և ազգային բարոյական նորմերը վարկաբեկող գովազդ, որը պարունակում է վիրավորական արտահայտություններ, համեմատություններ և պատկերներ ռասայի, ազգային պատկանելության, մասնագիտության կամ սոցիալական ծագման, տարիքային խմբի կամ սեռի, լեզվի, կրոնական կամ այլ համոզմունքների նկատմամբ, որոնք ուղղակի կամ անուղղակի կերպով վարկաբեկում են պետական խորհրդանիշները (զինանշան, դրոշ, հիմն, դրամանիշ և այլն) կամ արտահայտում են անպատվություն նրանց նկատմամբ, ինչպես նաև վարկաբեկում են իրավաբանական և ֆիզիկական անձանց, ինչպես նաև արտադրական, առևտրային կամ այլ գործունեությունը, մասնագիտությունը, տեսականին և այլն:
5) օգտագործում է անչափահասների միամտությունը և անփորձությունը; պարունակում է աուդիովիզուալ հատվածներ, որոնք կարող են վնաս հասցնել անչափահասների բարոյական կամ ֆիզիկական վիճակին; խարխլում է ծնողների և դաստիարակների հեղինակությունը, ինչպես նաև անչափահասների վստահությունը նրանց նկատմամբ:
6) օգտագործում է անչափահասների պատկերներ, բացառությամբ այն դեպքերի, երբ գովազդը վերաբերում է անչափահասների համար նախատեսված ապրանքներին:

«Գովազդի մասին» օրենքի հոդված 15-ի դրույթների համաձայն, 2GIS արտադրանքներում թույլ չի տրվում՝
7) ծխախոտի արտադրանքների, դրանց պարագաների, ծխախոտի արտադրանքների փոխարինիչների (բացառությամբ բժշկական նպատակներով օգտագործվող փոխարինիչների), ծխախոտի նմանակների բոլոր տեսակների գովազդը, ներառյալ դրանց օգտագործումը:
8) կաթնախառնուրդների գովազդը նորածինների և վաղ տարիքի երեխաների համար, որոնք չեն հանդիսանում մանկական կաթնախառնուրդներ, ինչպես նաև ցանկացած սննդամթերքի գովազդը մինչև 6 ամսական երեխաների համար և դրանց հետ կապված ապրանքների:
9) մարդու օրգանների և հյուսվածքների առևտրային գովազդ:
10) զենքի և զինամթերքի գովազդը, բացառությամբ քաղաքացիական զենքի և զինամթերքի:
11) շահումով խաղերիի կամ ինտերնետ շահումով խաղի կամ կազինոյի կամ խաղասրահի կամ վիճակախաղի (ներառյալ տոտալիզատոր) կամ դրանց կազմակերպիչների գովազդը;
16) ուսանողի (աշակերտի, ուսանողի, ունկնդրի, հետազոտողի) կողմից ինքնուրույն կատարման ենթակա հանձնարարությունների, ուսումնասիրությունների և այլ գործնական աշխատանքների (տեսություն, կուրսային, դիպլոմային, ատենախոսություն և այլն) կատարման, մշակման, պատրաստման ծառայությունների գովազդ:

2GIS Արտադրանքներում գովազդի տեղադրման ժամանակ, գովազդատուն պարտավոր է ներկայացնել գովազդային տեղեկատվության հավաստիությունը հաստատող փաստաթղթեր (պատենտներ, տեղեկանքներ):

2.Ալկոհոլային արտադրանքի գովազդ
Ըստ «Գովազդի մասին» օրենքի 15-րդ հոդված, ալկոհոլային ըմպելիքների գովազդը չպետք է՝
ա) ներշնչի, որ ալկոհոլը ունի բուժիչ, խթանող, հանգստացնող և լարվածությունը թուլացնող հատկություններ:
բ) խթանի սպառողներին օգտագործել ալկոհոլ, տա բացասական գնահատական չափավոր օգտագործման կամ չօգտագործման վերաբերյալ:
 գ) ներկայացնի ալկոհոլի բարձր աստիճանը որպես դրական հատկություն:
 դ) ներշնչի, որ ալկոհոլային ըմպելիքների օգտագործումը էական է լավ ֆորմա ձեռք բերելու, հաջողության հասնելու կամ գրավչություն ձեռք բերելու համար:
ե) նկարագրի և պատկերավորի մինչև 25 տարեկան անձանց:
զ) ուղղակիորեն դիմի անչափահասներին:
 է) ցուցադրի կամ պատկերավորի ալկոհոլային ըմպելիքների օգտագործման գործընթացը:
2GIS Արտադրանքներում արգելվում է ուժեղ ալկոհոլային ըմպելիքների (որոնց մեջ ալկոհոլի ծավալային բաժինը 20% և ավելի է) գովազդը:

3.Բժշկական միջոցների, բժշկական սարքերի, բժշկական տեխնիկայի և բժշկական գործունեության գովազդ
Ըստ «Գովազդի մասին» օրենքի 15-րդ հոդվածի, 2GIS արտադրանքներում արգելվում է.

• գովազդել դեղեր, բժշկական սարքեր և բուժման մեթոդներ, որոնց կիրառումը պահանջում է բժշկի հատուկ նշանակում;
• գովազդել դեղամիջոց, որը գրանցված չէ Հայաստանի Հանրապետությունում կամ գտնվում է Հայաստանի Հանրապետությունում վերահսկողության ներքո կամ պատրաստված է դեղատանը ըստ դեղատոմսի կամ դեղագործական գործարանի;
• գովազդել ցանկացած արտադրանք, որը չի համարվում դեղամիջոց (բիոակտիվ հավելումներ, կոսմետիկ միջոցներ և այլն), որպես բուժման միջոց;
• գովազդել դեղամիջոցներ, որոնք պարունակում են թմրանյութեր կամ հոգեմետ նյութեր:

Դեղամիջոցների գովազդը չի կարող պարունակել նյութեր, որոնք՝

• ստեղծում են այն տպավորությունը, որ բժշկի խորհրդատվությունը կամ բժշկական միջամտությունը անհրաժեշտ չէ;
• վստահեցնում են, որ դեղամիջոցի ամբողջական արդյունավետությունն ապահովված է, դեղամիջոցի ընդունումը չի ուղեկցվում կողմնակի ազդեցություններով, կամ դրա ազդեցությունը գերազանցում է կամ հավասարազոր է այլ բուժման մեթոդի կամ այլ դեղամիջոցի;
• վստահեցնում են, որ մարդը կլինի լիարժեք առողջ, եթե ընդունի դեղամիջոցը;
• վստահեցնում են, որ դեղամիջոցի չօգտագործման դեպքում մարդու առողջության վիճակը կվատանա, բացառությամբ գովազդի, որը իրականացվում է համընդհանուր պատվաստումների ծրագրերի շրջանակներում;
• ուղղված են մանկական լսարանին;
• պարունակում են հղումներ գիտնականների, բժշկական աշխատողների կամ այլ հայտնի անձանց կամ հասարակական կազմակերպությունների երաշխիքներին, որոնք կարող են խթանել դեղամիջոցի օգտագործումը;
• առաջարկում են օգտագործել դեղամիջոցը սննդի մեջ կամ կոսմետիկ նպատակներով;
• վստահեցնում են, որ դեղամիջոցի անվտանգությունն ու արդյունավետությունը պայմանավորված են դրանց բնական ծագումով;
• կարող են հանգեցնել սխալ ինքնաախտորոշման` հիվանդության պատմության մանրամասն նկարագրությամբ;
• պարունակում են հայտարարություններ առողջության վիճակի բարելավման մասին, որոնք ուղեկցվում են սխալ, անհանգստացնող կամ մոլորեցնող ձևակերպումներով;
• պարունակում են հասկացություններ, որոնք կապ չունեն դեղամիջոցի օգտագործման հետ, անվստահելի են։

Դեղամիջոցի գովազդի ժամանակ չի թույլատրվում հիշատակել հետևյալ հիվանդությունները՝

• շրջապատի համար վտանգավոր հիվանդություններ;
• քաղցկեղային հիվանդություններ;
• շարունակական անքնություն;
• շաքարախտ և այլ նյութափոխանակային հիվանդություններ;
• սրտանոթային հիվանդություններ:

Բժշկական օգնություն և սպասարկում, դեղագործական գործունեություն, դեղերի արտադրություն իրականացնող կազմակերպությունների կամ անհատ ձեռնարկատերերի, միջին մասնագիտական և բարձրագույն բժշկական կրթական ծրագրեր իրականացնող կազմակերպությունների գովազդում պետք է նշվեն կազմակերպության կամ անհատ ձեռնարկատիրոջ գործունեության լիցենզիայի համարը և տրամադրման ամսաթիվը: Դեղամիջոցների գովազդում պետք է նշվեն դեղամիջոցի պետական գրանցման վկայականի համարը, օրը, ամսաթիվը, տարվա վավերականության ժամկետը, լիազորված մարմնի թույլտվության համարը, օրը, ամիսը և տարեթիվը: Դեղամիջոցի, բժշկական սարքի գովազդի տեքստը պետք է համապատասխանի դեղամիջոցի, բժշկական սարքի գրանցման ժամանակ սահմանված ընդհանուր նկարագրության տվյալներին:
2GIS Արտադրանքներում դեղամիջոցների, բժշկական սարքերի, բժշկական տեխնիկայի և բժշկական գործունեության գովազդի տեղադրման ժամանակ, գովազդատուն պարտավոր է ներկայացնել՝

• դեղամիջոցների, բժշկական տեխնիկայի և բուժման մեթոդների գովազդի ժամանակ` լիազորված մարմնի (Հայաստանի Հանրապետության առողջապահության նախարարության) կողմից տրամադրված գովազդի թույլտվության հավաստագրված պատճենը:
• լիցենզավորվող գործունեության, այդ թվում` դեղագործական գործունեության գովազդի ժամանակ գովազդատուն պարտավոր է ներկայացնել համապատասխան գործունեության թույլտվության (լիցենզիայի) հավաստագրված պատճենը:

4.Մշակույթի ոլորտում ծառայությունների գովազդ
Ըստ «Գովազդի մասին» օրենքի հոդված 15-ի պահանջների, թատերական-համերգային, հասարակական միջոցառումների, փառատոնների, համերգային հյուրախաղերի գովազդում պետք է նշվեն գովազդատուի պարտադիր տվյալները, միջոցառման բովանդակությունը կամ ժանրային պատկանելությունը, հեղինակը, մասնակիցները, վայրը, ժամը, ինչպես նաև համերգային կատարումների ձայնային առանձնահատկությունների մասին տեղեկությունները (կենդանի կատարում կամ ձայնագրության ցանկացած տեսակի օգտագործում (ֆոնոգրամմա)։
Կենդանի կատարման կամ ձայնագրության մասին տեղեկությունների ծավալը, վայրը կամ բովանդակությունը չպետք է լինի գովազդի ամբողջ ծավալի 7%-ից պակա

5.Ֆինանսական, ապահովագրական, ներդրումային ծառայությունների, արժեթղթերի գովազդ
Ֆինանսական, ապահովագրական, ներդրումային ծառայությունների, արժեթղթերի գովազդի առանձնահատկությունները սահմանված են «Գովազդի մասին» օրենքի հոդված 16-ում։
Արգելվում է գովազդել հաստատություններ, որոնք իրականացնում են բանկային, ապահովագրական և այլ ֆինանսավարկային և ֆինանսական գործարքներ, այդ թվում նաև արժեթղթերի գործարքներ, և մատուցում են ծառայություններ՝ առանց համապատասխան լիցենզիայի։
Բանկային, ապահովագրական և այլ ֆինանսավարկային և ֆինանսական գործարքներ, այդ թվում արժեթղթերի գործարքներ իրականացնող հաստատությունների և նրանց կողմից մատուցվող ծառայությունների գովազդում չի թույլատրվում`

• ներկայացնել ապագա գործունեության արդյունավետության (երաշխավորվածության) երաշխիք, կանխատեսում կամ խոստում, այդ թվում` հայտարարություններ արժեթղթերի շուկայական արժեքի բարձրացման մասին։
• տեղադրել քանակական տեղեկատվություն, որը չի առնչվում գովազդվող հաստատություններին, նրանց ծառայություններին և արժեթղթերին։
• գովազդում տեղադրել սովորական բաժնետոմսերի շուկայական գների մասին որևէ տեղեկատվություն կամ նրանց դիվիդենտների երաշխիք։

Բանկային, ապահովագրական և այլ ֆինանսավարկային և ֆինանսական գործարքներ, այդ թվում` արժեթղթերի գործարքներ իրականացնող հաստատությունների և նրանց կողմից մատուցվող ծառայությունների գովազդը տեղադրելուց առաջ գովազդատուն պարտավոր է ներկայացնել համապատասխան գործունեության լիցենզիայի հավաստագրված պատճենը։